HomeMarathi News TodayDiabetes Medicine | मधुमेही रुग्णांसाठी खुशखबर…सरकारने स्वस्त औषध केले लॉन्च…'या' दुकानावर असणार...

Diabetes Medicine | मधुमेही रुग्णांसाठी खुशखबर…सरकारने स्वस्त औषध केले लॉन्च…’या’ दुकानावर असणार उपलब्ध…

न्यूज डेस्क – केंद्र सरकारने शुक्रवारी परवडणारे Diabetes Medicine मधुमेहावरील औषध सिटाग्लिप्टीन आणि त्याची इतर फॉर्म्युलेशन बाजारात आणले असून त्याच्या 10 गोळ्यांची किंमत 60 रुपयांपर्यंत असेल आणि हे औषध जेनेरिक औषधांच्या दुकानात जनऔषधी केंद्रांवर उपलब्ध असेल.

रसायन आणि उर्वरक मंत्रालयाने एक निवेदन जारी करून म्हटले आहे की भारतीय फार्मास्युटिकल अँड मेडिकल डिव्हायसेस ब्युरो (PMBI) ने जनऔषधी केंद्रांवर सीताग्लिप्टीन आणि त्याचे फॉर्म्युलेशनच्या नवीन आवृत्त्या लाँच केल्या आहेत.

50 मिलीग्राम (मिग्रॅ) सिटाग्लिप्टीन फॉस्फेट असलेल्या दहा गोळ्या 60 रुपयांना उपलब्ध आहेत, तर 100 मिलीग्रामच्या 100 रुपयांना उपलब्ध आहेत. सिटाग्लिप्टीन आणि मेटफॉर्मिन हायड्रोक्लोराइडचे 50mg/500mg प्रमाण 65 रुपये प्रति 10 टॅब्लेटमध्ये उपलब्ध असेल, तर 50mg/1000mg मिश्रण 70 रुपयांना उपलब्ध असेल.

हे सर्व प्रकार बाजारात उपलब्ध असलेल्या प्रमुख फार्मास्युटिकल औषधांपेक्षा ६० ते ७० टक्के कमी किमतीत उपलब्ध आहेत, असे निवेदनात म्हटले आहे. बाजारात बड्या कंपन्यांची औषधे 162 ते 258 रुपये प्रति 10 गोळ्या या दराने विकली जात आहेत.

मंत्रालयाने सांगितले की, पीएमबीआयचे सीईओ रवी दाधिच यांनी सीताग्लिप्टीन लाँच केले. टाइप 2 मधुमेह असलेल्या प्रौढ रूग्णांमध्ये साखर नियंत्रण सुधारण्यासाठी हे औषध आहार आणि व्यायामाच्या संयोगाने कार्य करते.

प्रधानमंत्री भारतीय जनऔषधी प्रकल्पांतर्गत देशात ८७०० जनऔषधी केंद्रे कार्यरत आहेत. ही केंद्रे दर्जेदार जेनेरिक औषधे, शस्त्रक्रिया उपकरणे आणि इतर आरोग्य उत्पादने परवडणाऱ्या किमतीत उपलब्ध करून देतात.

RELATED ARTICLES
- Advertisment -

Most Popular

Recent Comments