HomeMarathi News Todayपूजा करतांना सुप्रिया ताईच्या साडीने घेतला अचानक पेट...नेमकं काय घडलं?...पाहा Video

पूजा करतांना सुप्रिया ताईच्या साडीने घेतला अचानक पेट…नेमकं काय घडलं?…पाहा Video

राष्ट्रवादीच्या खासदार सुप्रिया सुळे यांच्या साडीने अचाकनपणे पेट घेतल्याची घटना आज पुण्यातील एका कार्यक्रमाचे उद्घाटन करताना घडली. सुदैवाने या दुर्घटनेत सुप्रिया सुळे यांना कोणतीही इजा झालेली नाही. साडीला आग लागल्याचे लक्षात येताच त्यांनी ती विझवली. आणि पुढील कार्यक्रम सुरळीत पार पाडला.

आज बारामती लोकसभा मतदारसंघातील हिंजवडी येथे आयोजित करण्यात आलेल्या कराटे स्पर्धेच्या उद्घाटन समारंभात सुप्रिया सुळे यांनी हजेरी लावली असता त्यांच्या हस्ते आज दीपप्रज्वलन करून उद्घाटन होणार हो, यावेळी छत्रपती शिवाजी महाराज मूर्तीला हारार्पण करताना खाली टेबलवर असलेला दिव्याचा साडीला स्पर्श होताच सुळे यांच्या साडीने पेट घेतला. मात्र ही बाब वेळीच लक्षात आल्यामुळे पुढील अनर्थ टळला. सुप्रिया सुळे यांनी बाजूला होत लगेच साडीला लागलेली आग विझवली.

या दुर्घटनेनंतर मला कसलीही इजा झाली नसल्याचे सुप्रिया सुळे यांनी सांगितले आहे. “आमचे हितचिंतक, नागरिक, कार्यकर्ते व पदाधिकारी यांना माझी विनंती आहे; की मी सुरक्षित असून कृपया कुणीही काळजी करु नये.आपण दाखवित असलेले प्रेम, काळजी माझ्यासाठी मोलाचे आहे. सर्वांचे मनापासून आभार,” अशी प्रतिक्रिया सुप्रिया सुळे यांनी दिली.

RELATED ARTICLES
- Advertisment -

Most Popular

Recent Comments