HomeMarathi News Todayiphone इतर देशांमध्ये स्वस्त असतात मग भारतात का महाग मिळतात?...कारण जाणून घ्या

iphone इतर देशांमध्ये स्वस्त असतात मग भारतात का महाग मिळतात?…कारण जाणून घ्या

न्युज डेस्क – टेक कंपनी ऍपलने आपली नवीन iphone 14 सीरीज लॉन्च केली आहे आणि भारतात त्याची किंमत देखील समोर आली आहे. दरवर्षीप्रमाणे या वर्षीही अमेरिका आणि भारतातील आयफोनच्या किमतीत मोठी तफावत आहे. जे मॉडेल यूएसमध्ये सुमारे 64,000 रुपयांना उपलब्ध असेल, ते भारतात खरेदी करण्यासाठी ग्राहकांना सुमारे 80,000 रुपये मोजावे लागतात. अशी भावाची तफावत का?…किमतीतील हा फरक कश्यामुळे वाढतो. काय आहे कारण ते जाणून घेणाचा प्रयत्न करूया.

आयफोन 14 सीरीजची सुरुवातीची किंमत US मध्ये $799 (जवळपास 63,700 रुपये) ठेवण्यात आली आहे. त्याच वेळी, हे भारतात 79,900 रुपयांच्या सुरुवातीच्या किंमतीत लॉन्च केले गेले आहे. त्याचप्रमाणे, यूएस मध्ये iPhone 14 Plus ची किंमत $899 (सुमारे 71,600 रुपये) आहे आणि भारतात ती 89,900 रुपयांच्या सुरुवातीच्या किमतीत खरेदी केली जाऊ शकते.

प्रो मॉडेल्सबद्दल बोलायचे झाल्यास, यूएस मध्ये iPhone 14 Pro ची किंमत $ 999 (सुमारे 79,555 रुपये) पासून सुरू होते. त्याच वेळी, भारतातील ग्राहक 1,29,900 रुपयांच्या सुरुवातीच्या किमतीत ते खरेदी करू शकतील. iPhone 14 Pro Max ची सुरुवातीची किंमत यूएस मध्ये $1,099 (सुमारे 87,530 रुपये) आणि भारतात 1,39,900 रुपये आहे. अशा प्रकारे, अमेरिका आणि भारतातील आयफोन मॉडेलच्या किंमतीत 40,000 रुपयांपर्यंतचा फरक आहे.

भारतात आयफोनची मॉडेल्स महाग का विकली जातात? – इतर देशांच्या तुलनेत भारतात आयफोन मॉडेल्सची किंमत ४० टक्क्यांपर्यंत जास्त ठेवण्यात आली आहे. तज्ज्ञांच्या मते, आयफोनच्या आयातीवरील आयात शुल्क, १८ टक्के जीएसटी, इतर शुल्क आणि कंपनीचा स्वतःचा नफा याला जबाबदार आहे. म्हणजेच सरकारने लादलेल्या कर आणि शुल्कामुळे भारतात आयफोनला जास्त किंमत मोजावी लागत आहे.

सरकार जास्त आयात शुल्क का लावते? – सरकारने उपकरणांवर जास्त आयात शुल्क लावण्याचे कारण त्यांच्या भारतातील उत्पादनाशी संबंधित आहे. भारत सरकारची इच्छा आहे की कंपन्यांनी त्यांची उपकरणे इतरत्र उत्पादित करण्याऐवजी भारतातच तयार करावीत. तयार उपकरणांच्या तुलनेत त्यांचे घटक कमी आयात शुल्क आकर्षित करतात, ज्यामुळे अनेक परदेशी कंपन्या भारतात त्यांचे फोन बनवत आहेत.

नवीन आयफोन मॉडेल्स भारतात बनवल्या जाणार आहेत – असे समोर आले आहे की Apple मागील काही मॉडेल्सप्रमाणेच आयफोन 14 भारतात तयार करू शकते. आयफोन 14 चे उत्पादन भारतात दिवाळीपासून सुरू होऊ शकते आणि येथे बनवलेले आयफोन मॉडेल इतर बाजारपेठांमध्येही विक्रीसाठी पाठवले जातील. भारतात एपल फॉक्सकॉन, विस्ट्रॉन आणि पेगाट्रॉन यांच्या सहकार्याने आयफोनचे उत्पादन करणार. देशातच उत्पादित केल्यामुळे त्यांची किंमतही नंतर कमी होऊ शकते आणि भारतीय ग्राहकांना सवलतीचा लाभ मिळू शकतो.

RELATED ARTICLES

LEAVE A REPLY

Please enter your comment!
Please enter your name here

- Advertisment -

Most Popular

Recent Comments