HomeराजकीयVedanta-Foxconn ।गुजरात हे पाकिस्तान नाही...देवेंद्र फडणवीस म्हणाले येत्या...

Vedanta-Foxconn ।गुजरात हे पाकिस्तान नाही…देवेंद्र फडणवीस म्हणाले येत्या…

Vedanta-Foxconn : वेदांता आणि फॉक्सकॉनचे सेमीकंडक्टर प्लांट महाराष्ट्रातून गुजरातमध्ये हलवण्यावरून राजकारण तापले आहे. यावर उपमुख्यमंत्री देवेंद्र फडणवीस म्हणाले की, गुजरात हा पाकिस्तानचा भाग नाही. महाराष्ट्रातील तत्कालीन महाविकास आघाडी सरकारच्या कार्यकाळात कोणतेही अनुदान घेण्यासाठी 10 टक्के कमिशन द्यावे लागत होते, असा आरोप त्यांनी केला.

उद्धव ठाकरे यांच्या नेतृत्वाखालील शिवसेनेचे नाव न घेता, फडणवीस यांनी पक्षावर निशाणा साधला आणि सांगितले की, ठाकरे सरकारने राज्यातील रिफायनरीसारख्या मोठ्या प्रकल्पांना विरोध केला आहे. या प्रकल्पामुळे महाराष्ट्र इतर राज्यांच्या तुलनेत 10 वर्षे पुढे जाऊ शकला असता, असे ते म्हणाले. मुंबई-अहमदाबाद बुलेट ट्रेन आणि मुंबई मेट्रो-३ प्रकल्प रखडल्याचा आरोप फडणवीस यांनी ठाकरेंवर केला.

फडणवीस म्हणाले की, जूनच्या अखेरीस उपमुख्यमंत्री होताच वेदांतचे अध्यक्ष अनिल अग्रवाल यांची भेट घेतली. त्याचवेळी महाराष्ट्राने गुजरातप्रमाणेच कंपनीकडे प्रस्ताव ठेवला होता, मात्र गुजरातमध्ये सेमीकंडक्टर युनिट उभारण्याचा निर्णय अंतिम टप्प्यात पोहोचल्याचे त्यांच्याकडून सांगण्यात आले.

‘2 वर्षात महाराष्ट्राला गुजरातच्या पुढे नेऊ’
उपमुख्यमंत्री म्हणाले, “तुम्ही (महा विकास आघाडी) सत्तेत असताना (नोव्हेंबर 2019 ते जून 2022) थेट विदेशी गुंतवणूक आणण्यात महाराष्ट्र गुजरातच्या मागे होता. येत्या दोन वर्षांत महाराष्ट्राला गुजरातच्या पुढे नेऊ. या कार्यक्रमाला उपस्थित असताना फडणवीस म्हणाले की, गुजरात हे पाकिस्तान नाही. तो आमचा भाऊ आहे. ही एक चांगली स्पर्धा आहे. आम्हाला कर्नाटकच्याही पुढे जायचे आहे.

RELATED ARTICLES
- Advertisment -

Most Popular

Recent Comments